ALIZIA OLAZABAL eta ARITZ KORTABARRIA txaeldun IV. OLAZTI-URBASAn

Alizia Olazabal txapelduna: 2h13:20´. Zorionak! Aurreko marka 4´tan jeitsi zuen!


Olazti-Urbasa 2010eko podiumean: Imanol, Nerea, Aritz, Alizia, Maite, Elena, Oier eta Juanjo.

Neskak:
1-Alizia Olazabal: 2h13:20´
2-Nerea Amilibia: 2h15:31´
3-Maite Maiora: 2h16:49´
4-Elena Calvillo: 2h20:43´ (1. beterana )


Mutilak:
1-Aritz Kortabarria: 1h52:29´
2-Imanol Goñi: 1h54:28´
3-Oier Ariznabarreta: 1h55:01´
4-Juanjo Igarzabal: 1h55:51´



Aritz Kortabarria txapelduna: 1h52:30´.








Olazti-Urbasa mendi lasterketako krokisa.



Yolanda Gurendez (2h26:51´) eta Nerea Amilibia (2h15:31´).
Nerea Italiatik etorri berri zegoen, han nazio-arteko mendi lasterketa batean parte hartu ostean. Orain, datorren astean, Malasya-ra doa munduko kopako proba batean parte hartzera. Bejondeizula txapelduna eta besarkada bat Jose Mari-rentzat!


Gazteiz Kirolak-eko lagunak ( http://www.gazteizkirolak.blogspot.com/ ).



Oscar Nieto ( http://www.apukoogoera.com/ )




Arantza Urtaza (2h49:15´)eta Xabier Erro (2h49:15´) helmugan pozik eta alai!


Xabier Erro eta Arantza urtaza esfortzu betean! Animo bikote!

Olazti-Urbasan lokatz handia izan genuen, eta probaren ondoren zapatilek garbitu ederra eskatzen dute!

Aritz Kortabarria, esfortsu bizian! ´Zorionak txapeldun!
Olazti-Urbasa beste behin irabazi duzulako! 1h52:20´


Martxel (?)

Gotzon Zulaika (2h13:14´) eta "Tximista".

Zorionak Gotzon! 23 urtez azpikoen Euskal Herriko txapeldun!

Maite Maiora (2h16:49´) eta Edu Uribe (2h33:47´), proba bukatu berri.

Zorionak Maite! Olazti-Urbasan 3.! 17´ etara zidan!!!

Tontorraundirako ( 1156 m ) aldapetan gora.

http://www.gazteizkirolak.blogspot.com-eko/ partaidea!

Animo koadrila!

Jose Jabier Zirukarai ( 2h22:29´ ) helmugaratzen.

Ricardo Ruiz de Apodaka eta Juan Vallejo biak elkarrekin helmugaratu ziren, 2h24:26´ denbora eginez.

Edu Uribe helmugara iristen; 2h33:47´.

Jon Garasa ( 2h47:43´), Josean Marquez (2h47:44´) eta Miguel Angel del Barrio (2h47:40´). Animo hirukote!

Marce Temprano (2h47:59´) helmugara iristen.

Mila esker txapeldun eta besarkadarik beroena Yolirentzat; alabentzat berriz muxu handi bat Ellelen eta Paula-rentzat! Zuek bai mendizaleak!

Josu ( Manttale-koa ) jo ta ke! Ehunmilak-en ere fin-fin ibili zen! Eutsi Josu!


Tontorraundirako ( 1153 m ) bidean, ura edan eta aurrera ziztu bizian!


Felicisimo Solanas ( Basauri ) kirolari amorratua! Olazti kaskarreko handia hartu zuen haitz baten kontra, hala ere beti irribarretsu!


Txomin Uriarte ere ( Euskal Mendizale Federazioko lehendakaria ) Olazti-Urbasa mendi lasterketako sari banaketan egon zen. Mila esker mendizaletasuna bultzatzearren!


Gotzon Zulaika ( Mendaro ), Euskadiko 23 urte azpikoen txapelduna! Bejondeizula!



Beñat eta Ainara. Txirrindularia eta kazetaria, beraiek ere animatzen dute, eta prentsan agertzeko aukera ematen digute.


Carlos ( http://www.cansamontes.blogspot.com/ ), Jone Pelaez ( Ehunmilak-en 3. izan zen!!! 41h32:44´tan ) eta Maitane ( Sakanako 1. sailkatua ).

BERIAIN KM-B: IZASKUN ZUBIZARRETA eta DIDDIER ZAGO TXAPELDUN! MAITE MAIORA mendarotarra 2. sailkatua nesketan!

Beriain KmB 2017

Beriain KmB 2010

 

Maite Maiora mendarotarra 2. sailkatu zen Uharte Arakeil-Beriain km bertikalean. Argazkia Olazti-Urbasa-ko mendi lasterketa aterata dago, bertan 3. gelditu zen. Zorionak Maite!

Diddier Zago txapeldun handia Beriain-eko aldapetan gora.

Uharte arakil - Beriain km bertikalaren krokisa.

Beriain KmB

-Fitxa teknikoa:

-Luzera: 4,6 km

-Desnibel +: 1.023 m

-Tokia: Uharte Arakil - Beriain ( 1.494 m )

Sailkapena ( podiuma + ezagunak ):

Mutilak:

1-Diddier zago: 40:21 ( errekorra )

2-Fernando etxegarai: 43:32

3-Juan Mari garin: 44:38

(...)

8-Haritz Arrieta: 45:53

17-Jon Bikendi: 48:09

Neskak:

1-Izaskun Zubizarreta: 51:13

2-Maite Maiora: 52:33 ( Mendaro )

3-Alizia Olazabal: 53:57

Jarraian Jon Bikendik idatzitako kronika irakurtzeko aukera duzue, goza ezazue!

BERIAINGO KILOMETRO BERTIKALA

Irailak 19, denboraldia amaitzeko eguna. Horixe pentsatuz hasi dut eguna. Pena ematen dit bukatu beharrak, baina fisikoki abuztu amaieratik gainbehera noa eta beranduegi izan baino lehen atseden hartzea hobe. Betiko moduan jaiki, gosaldu eta gauzak prestatu ostean animatuta abiatu naiz Uharte-Arakil aldera. Etxeko atetik atera bezain pronto nabaritu dut goizeko “freskura”. Komatxo artean diot, izan ere kotxeko termometroak 5 gradu besterik ez ditu markatzen. Hori gutxi ez, eta behe-laino itxia ere badaukagu. Goierriko zoko honetan halako behe-lainoa egonda, sakana aldean ere antzera edo oraindik ere itxiagoa egongo dela pentsatu dut. “Uharten behe-lainoa kentzerako etxera bueltan izango gaituk! Beriain gainean bakarrik ikusi behar diagu eguzkia!” pentsatu dut. Zorionez, Etxegarate pasatu eta giro eguzkitsua aurkitu dut. Eguzkitsua bai, baina demontre, hotz egiten du gero! Uhartera iritsitakoan termometroak 3 gradu besterik ez ditu markatzen.

Irteera ordua 11:20an izan arren, 9ak laurden gutxi aldera iritsi naiz. Kontua da Beriain gainera arroparen bat eraman nahi badugu, antolatzaileei 9etarako utzi behar zaiela arropa hori. Gainera, dortsala eta txipa jasotzeko epea 9:30etan amaitzen da. Beraz, garaiz eta patxadaz ibiltzea hobe. Beriain gainean uzteko poloa antolatzaileei eman eta dortsala/ txipa jaso ondoren orduari begiratu diot. Oraindik 9:20 dira eta beste bi ordu geratzen zaizkit irteteko. Egiten duen hotzarekin kanpoan lasai egoteko gustu handirik ere ez dagoenez, auto barrura sartu eta irratia entzuten egon naiz denboralditxo batez. Irratia entzunez azkar pasa zait denbora konturatzerako 10:20 etorri baitzaizkit. Kanpoan oraindik ere hotz egiten du (5 gradu), baina luzaketa edo estiramendu batzuk egin beharra dauzkat. Ohitura daukat beti egiteko, baina gaurkoan ohituraz gain beste motibo gehiago ere badauzkat. Izan ere, aste osoa adduktoreko kontraktura batekin pasatu dut. Aspalditxoan batere arazorik gabe nenbilen, baina Arrateko igoerak ondorio horixe utzi zidan aurreko igandean. Garbi daukat gaurkoan 20-30 kilometro bitarteko proba bat egiteko moduan ez nagoela, baina lasterketa motza eta igotzea “bakarrik” denez, zalantza handirik egin gabe etorri naiz. Gainera, gauzek okerrera eginagatik, aurtengo lasterketak gaur amaitzen ditudanez ez dit gehiegi axola.

Ondo eta astiro luzaketak egin ondoren dortsala jarri, arropa aldatu eta baselina ematea izan da hurrengo “erritua”. Autoa giltzaz itxi, eta 10:55tan berotzen hasteko prest nago. Betiko moduan, korrika arina lehenbizi eta azelerazio batzuk jarraian. Horien ondoren irteera puntura. Bertan No limit-eko (denbora kontrolatzeaz arduratzen den enpresa) giozonarekin topo egin dut. Ehun milak proban ere enpresa bera izan zen denboren kontrola eraman zuena, eta probak iraun zuen bitartean ordu mordoska bat egin genuen elkarrekin batera. Probaren lehendabiziko gauean elkarrekin eta gurutze gorriko beste astokilo batekin bizi izandako “batallitak” kontatzen hasi gara barrezka, egin genuen gaupasa hartako oroitzapenak kontatuz, baina txipa zuloan sartu eta irten beharrean nago. Lastima! Txaskarriloak beste baterako utzi beharko ditugu…

Igoerak bi zati nahiko desberdin ditu. Lehen zatia pista zabal eta bidezidor eroso batetik igarotzen da. Ez dago aldapa handirik eta azkar egiten dira bi kilometro pasatxoak. Hortik gora hasten dira kontuak… Bi kilometro eta erdi zein baino zein gogorragoak eta tenteagoak. Lehen zati hau oso bizi egin gabe erritmo nahiko onean egiteko asmoa dut, eta halaxe atera naiz. Gustura noa eta sentsazio onekin. Baina zati honetako azken aldapatxoan adduktoreak “krak” egin dit. Izter atzetik lepo atzeraino igo zait hotzikara azkar bat, eta mina sentitzen hasi naiz. “Kaka zaharra!!” pentsatu dut. Bigarren zatia eta gogorrena hastear eta egoera horretan! Denbora kontroletik pasatu ostean batere konfidantzarik gabe eta deseroso ekin diot bigarren zati gogorrari. Mugimendu konkretu batzuk egitean min hartzen dut, eta horregatik, ibilera aldatuz noa sarri sarri. Oraintxe hanka zabalka, ezker hankarekin ahalik indar gutxien eginez hurrena… Aldapa handia dago, eta aldaparen tentetasunaz gain bidezidorrean dauden harri solteek ere erabat aldrebesten didate pausua. Anoa-postua igaro ondoren basoan sartu naiz. Itzalpean noa orbel, zuhaitz sustrai eta harriz osatutako bidezidorrean gora, baina ez noa sufritu beharko nukeen guztia sufrituz ( pultsazioei dagokienez).

Basoa amaitu baino lehen, eskuinera hartu eta hortxe hasi da zatirik gogorrena. Igoerak duen ohiko bidea utzi, eta zuhaitz artetik aterata leku malkartsu batetik gora jarraitzen du igoerak. Tarteka bi eskuen laguntza beharrezkoa da. Zati honetan Jon eta Haritz Arrietak aurreratu naute. Beraien atzetik joatera animatu naute, baina ezetz esan diet. Neure erritmoan eta pausuan igo nahi dut, mindutako adduktorea gehiago behartu gabe. Egingo dudan denborak ez nau batere kezkatzen, berdin zait helmugara minutu bat edo gehiagoren gorabeheran iristea.Hortik lasterrera azken maldara iritsi naiz. Hauxe da zatirik gogor eta ikusgarriena. Aldapa honen amaieran goiko lautada dago, eta azken metroak nahiko lauak direnez (maldatzar hauekin alderatuz) jende mordoa dago ezker-eskuin. Isildu ere egin gabe ari dira partaide guztiak animatzen. Nola eskertzen diren horrelako animoak! Eskerrik asko eta bejondeizuela guztioi! Zati horretan Didier Zagok aurreratu nau. Hori da basapiztia hori!! Ahuntz edo oreinen moduan doa behetik gora. Ikusgarria! Zorionak berari ere garaipena eta errekor berriagatik!

Azkenean iritsi naiz goiko lautadara. Hemendik helmugara arteko zati hau korrika txikian egin nahi dut eta horrela hasi naiz. Adduktoreak minik ematen ez didanean eroso noa, nahiko fresko, gorputza ezin izan baitut gehiegi behartu igoeran. San Donatoko baseliza ingurura iritsitakoan helmugako kontrola hortxe bertan dagoela ikusi dut. Ezustekoa izan da, helmuga handik metro batzuetara dagoen gurutze edo postean izango zela uste bainuen. Horregatik eta lesioagatik, amaitu ostean sentsazio arraroa izan dut. Proba dena emanda eta topera egindakoan izaten den neke eta itolarri hori ez dut sentitzen, eta erosoegi iritsi naizela konturatu naiz. Baina tira, horrelako probetan burua eta gorputza %100 ez badaude, ezinezkoa da barruan daukazun guztia ematea. Egindako denbora agian ez da txarra izango, baina igoeran ez dut batere gozatu eta hori izaten da garrantzitsuena. Gustu garratza geratu zait arrazoi horregatik. Denboraldiko azken proban horrelako sentsazioekin geratzea ere pena da, baina beste proba ia guztietan gustura bukatu dudanez horrekin geratu behar! Burutazio horiek nituela arropaz aldatu eta beherantz abiatu naiz. Adduktoreko mina eta ahalik eta gutxien behartu nahiak behera igotzen gorakoan baino denbora gehiago pasatzea eragin dit. Pentsa, Uhartera juxtu sari banaketa hastearekin batera iritsi naiz. Benetan dotorea eguerdian plazan dagoen giroa eta saltsa. Jende pila bat eta tartean lunch bikaina. Ezagunekin lasai tertulian egoteko baldintza ezin hobeak! Irailak 19, denboraldia amaitzeko eguna. Orain atseden hartu eta gero gerokoak…

Jon Bikendi ( 2010-09-24 )

Mila esker Jon!

TOR DES GEANTS - 2010 OSCAR MARTINek bukatu du!!!

Zorionak Oscar!!!
131h48:14 denbora eginez bukatu zuen Tor des geants!


Salvador Calvo ( León ) Aosta bailarako zubi batetik igarotzen. Calvo lehen postuan izan zen lehen 3 egunetan, gero, belauneko mina tarteko, 2. bukatu zuen proba gogor hau Ulrich gross-en atzetik.

TOR DES GEANTS ( fitxa teknikoa ):
-Luzera: 330 km
-Desnibel +: 24.000 m
-Ezaugarriak: Non stop - 150 h max. epea
-Tokia: Aosta ( Italia ) bailarari mendi itzulia.
-Antolatzailea: http://www.tordesgeants.it/tordesgeants/

TOR DES GEANTS - 2010eko sailkapena/clasificación:
1- ULRICH GROSS - 80:27:23
2- SALVADOR CALVO - 86:47:54
3- GUILLAUME MILLET - 87:17:37
4-ANNEMARIE GROSS - 91:19:13 ( 1. emakumea )
5- MATTEO BERTOLI - 91:19:13
6- ABELE BLANC - 96:44:11
7- CESARE CLAP - 99:10:41
8- MAURO SAROGLIA - 99:10:44
9-ALEXANDRE FORESTIERI - 99:12:15
10- JULIA BOETTGER - 100:03:51 ( 2. emakumea )
( ... )
92-OSCAR MARTIN - 131h48:14 ( bizkaitarra!!! )

Irailaren 12tik 19ra Italiako Aosta bailaran "Tor des Geants" mendi lasterketako lehen edizioa ospatu da. Courmayeur-en hasi eta bukatu mendi itzuli zirkularra. Lehenengo aldia izanik 356 parte hartzaileak, horietatik 179k proba bukatu dutelarik. Oso proba gogorra da, ikusi bestela datuak: 330 km eta 24.000 m-ko desnibel +; hau da, Ehunmilak 2 aldiz egitea bezala!!!
Irabazlea Ulrich Gross alemana izan da, Salvador Calvo lehenengo 3 egunetan aurretik bazihoan ere. Salvadorrek belauneko minarekin ezin izan dio eutsi lehen postuari eta azkenengo egunetan Ulrich-ek aurrea hartu zion. Aipagarria da Annemarie Gross emakumearen marka ere, lehen emakumea izan da eta 4. postuan iritsi zen!

Zorionak guztiei, baina bereziki gure lagun bizkaitarrari; Oscar Martin txapeldun!!! Badakigu beste euskaldun batzuk joan zirela, baina beraien berri ez dugu. Osacarrek komentatzen zigun hegaldiekin arazoak zituztela eta agian dortsala hartzeko aukerarik ez zutela izan.

Orain Oscarrren kronikaren zain gaude, ea zer kontatzen digun!

ARRATEko igoera-2010: WALTER BECERRA txapeldun!

Aupa txapeldunak!!!

Arrateko igoera 2010

Arrateko igoera 2012

Arrateko igoera 2013

  

Arrateko igoera 2014

  

Arrateko igoera 2020

XV. ARRATEKO IGOERA - SAILKAPENA – 2010:

1- Walter Becerra 26´03´´
2- Gonzalo Sokunza 27´11´´
3- Felicisimo Solanas 28´40´´
4- Jon Bikendi 28´51´´
5- Jose Carlos Garcia 30´02´´
6- Jose Antonio Ochoa 30´08´´ 1. beteranoa +45
7- Iñaki Aldai 30´53´´ 1. eibartarra
8- Igor Fernandez 31´03´´
9- Iñigo Unanue 31´50´´ 1. beteranoa +35
10-Jon Otermin 32´03´´
11-Zigor Esnaola 32´08´´
12-Zigor Uriarte 32´08´´
13-Josu Gisasola 32´16´´
14-Roberto Garcia 32´32´´
15-Raul Fernandez 33´30´´
16-Ibon Vega 33´30´´
17-Edu Uribe 33´33´´
18-Jose Luis Azkonaga 33´38´´ 1. beteranoa +55
19-Asier Matute 33´54´´
20-Josu Lahidalga 34´00´´
21-Javi Aldai 34´10´´
22-Iñigo Doce 34´12´´
23-Jose Aristondo 34´16´´
24-Enrike Zabaleta 34 27´´
25-Juan Jose Malvar 34´36´´ 1. beteranoa +65
26-Iñaki Lpz de Guereñu 34´52´´
27-Aitor Zubikarai 35´35´´
28-Jose Luis Diez 35´43´´
29-Enrike Akuña 36´15´´
30-Camilo Muñoz 36´27´´
31-Igor Azurmendi 37´12´´
32-Jose Luis Baz 37´37´´
33-Bittor Astigarraga 37´40´´
34-Josu Alonso 38´01´´
35-Santi Santamaria 38´01´´
36-Vitor Ugarteburu 38´06´´
37-Josu Astigarraga 38´30´´
38-Juan Carlos Adot 38´50´´
39-Ignacio Garai 38´52´´
40-Ganix Rodriguez 39´20´´
41-Juanjo Larramendi 39´30´´
42-Fran Fernandez 40´04´´
43-Mikel Urkidi 42´38´´
44-Aitor Narbaiza 43´01´´
45-Fernando Serrano 44´48´´
46-Ramon Biribai 46´59´´
47-Juan Luis Baglieto 46´59´´

Lasterka ibili ostean erroskila pare bat jatea gozoa izaten da.

Podiuma

Podiuma

Walter Becerra Arrateko XV. edizioko irabazlea

Omenaldia furgonetarekin materiala igotzen urtetan lagundu duen lagunari. Mila esker!

Bittor Astigarraga lagunekin.

Edu, Zigor, Josu eta Asier.

Raul.

Aupa txapeldun!

Igor Azurmendi

Fran Fernandez

Hi! 467.ak zer denbora egin dau? Sailkapena ondo einbiojonau!

Lagunak dutxatik irten berri!

Javier Aldai

Hirukote bikaina!

COLLARADA 2X2 km BERTIKALA - COLLARADA DOBLE KM VERTICAL

Collarada ( 2886 m ) tontorrean, 2h23´tan igo nuen Villanuatik, 2016 m-ko desnibel + eginez. Jon Bikendik 2 ordutan igo zuen abuztuan.

Collarada ( 2886 m ) tontorrera iristen ari nintzela parapente bat agertu zen.


COLLARADA 2x2 km BERTIKALA

11:06 ( 0h00´ ), Villanua ( 956 m ), Collarada 2x2 km bertikala egiteko irten naiz. 2 bidoi urez beterik, barrita bat, telefono mobila eta argazki kamara motxilan daramat. Jende gehiago espero genuen irteera tokian ( Turismo bulegoaren ondoko iturrian ), baina azkenean jendea liatuta ibili da eta ni bakarrik agertu naiz. Disfrutatzeko gogoa lagun izango det behintzat.

11:27 ( 0h21´ ), Los Moscachos ( 1250 m ) aldetik Barranco de Azus ( PR-1.1 ) aldera lasai iritsi naiz, indarrak neurtzen. Bero egiten du, 22º.

11:46, ( 0h40´ ) Barranco de Azus ( 1400 m ) aldean abandonaturik dagoen kotxe gorrira iritsi naiz. Aldapa tente orain hasten da.

12:04, ( 0h58´ ) La Trapa ( 1750 m ) aldera iritsi naiz. Bikendik 55´tan igo zuen, baina ibilbide piska bat luzeago bat aukeratuz ( PR-1 ). Jonen erreferentziak igoera guztian lagundu didate.
12:14, ( 1h08´ ) La Trapa gaienko kanala ( 1900 m ) igaro berri det. Hemendik Collarada ( 2886 m ) mendiaren tontorra agerian dugu. Gora noala parapente bat ikusi det. Jendeak disfrutatzeko modu ezberdinak aukeratzen ditu!

12:51, ( 1h45´ ) goiko lautadatxora iritsi naiz ( 2400 m ) harri koskorrez beteriko azken malda eta gero tontorreko kanala bakarrik falta zait.

13:29, ( 2h23´ ) Collarada ( 2886 m ) mendiko tontorra. Kanaleko azken zatian mendizale ezberdinekin bat egin det. “ Valla ritmo que llevas! “ esan dit batek, begiratu eta nagusitxo zela ohartu naiz, “ ya me gustaria a tu edad andar como tu! “ erantzun diot.64 urte zituela erantzun dit, eta emaztearekin batera azken metroak egiten ari ziren. Tontorrean Iruñeako mendizal batzurekin berriketan egon naiz ( 5´ ), saltaka nola igo dudan galdetu didate. Beraiek ere illobaren bat badute mendi lasterketaria, beraz ez dira hainbeste harritu. Motxila neraman barrita jan, ur tragoskada handi bat eran bidoitik eta tontorreko argazkia aprobetxatu det bitartean.

13:34, ( 0h00´ jeitsieraren hasiera ). Collarada ( 2886 m ) tontorretik beruntza abiatu naiz. Naparrak berriz, beraien ogitartekoak jaten jarraitu dute, Canfranc-etik etorri dira, eta guztira 5h15´behar izan dute tontorrera iristeko.

14:28, ( 0h54´ ) La Trapa aldera iritsi naiz kanala igarota. 4 orduren baitan Collaradako igoera eta jeitsiera burutzeko aukera dudala ohartu naiz. Pizgarri honekin abiadura arindu det, eta Azus-eko barrankotik ziztu bizian igaro naiz. Azken metroetan beroa nabaritu det ( 26º ), eta eztarrian egarri aztarnak agertu dira. Mendi buelta honetarako neraman ur guztia ( litro 1 pasatxo ) agortu zait, eta azkenengo 2 km-ak luzetxoak egin zaizkit.

15:06, ( 1h32´ ) Villanua ( 956 m ) herriko turismo bulegora iritsi naiz, eta zuzenean iturrian egarria hasetu det. Guztira 4 ordu behar izan ditut; 2h 23´ igoera + 1h 32´ jeitsiera + 5´ tontorrean = 4 h. Jon Bikendik 2 ordutan igo zuen! Ea nork hobetzen duen marka hori! erronka mahai gainean dago jarrita, animatu zaitezte!

Datorren urtean jende gehiago elkartu ahal izateko, agian data aldatu beharko genuke, eta udako garaian egin, jende gehiago bait dago orduan.

Jadanik Collarada 2x2 km bertikalaren lehen harria nimatu datorren urterako!

Edu Uribe ( 2010-09-11 )