Pennine Way - the route -
The Spine Race 2014
The Spine Race 2016
The Spine Race 2017
The Spine Race 2018
The Spine Race 2019
The Spine Race 2020
Pennine Way FKT John Kelly 2020
The Spine Race 2016 - kronika:
2016ko urtarrilaren 15a, ostirala, arratsaldeko 5ak. Byrness herrixkara iritxi naiz, 375. km-a.
Jadanik mendi lerro bat igaro eta Kirk Yetholm helmugara iristeko 48 km soilik falta zaizkit.
Hau poztasuna, azkenik " Spine Race " proba bukatzeko zorian nago.
Guztira 6 egun daramatzat oinez, gau eta egun, elurretan, harlauza amaigabeetan zehar, tundretan oinak bustita, nekaturik, hoztuta ... baina gozatzen, 423 km-ko proba abentura bat baita.
Baina esan bezala, Byrness-era iritsi naiz, eta antolakuntzako Scott-ek zera esan dit:
" Hi Eddy! There is a lot of snow in the mountains of Cheviot and we had to rescue two participants ... therefore if you have time to get to Kirk, I have to ask you to stop here . You have done almost the entire distance (268 miles), but safety comes first ".
Eddy: " Can we go down the valley and across the Cheviot hill directly ? "
Scott: " No Eddy, we have to ask you to stop here ".
Eddy: " Ok Scott, you don´t worry, the safety is firt. No problem.
So I have to come back again to this race ... " - smilingly.
Scott: " Yes Eddy, you have to come back again ... ja-ja-ja ... for the third time ".
Egoera bapatean aldatu da; proba bukatzeko zorian izatetik, proba 48 km-ren faltan gelditzera. Antolakuntzatik altoa eman digute segurtasuna medio, eta guk onartu beharra dugu, ez dago beste aukerarik. Komentatu diet ea goiko mendi lerrotik egin beharrean 30 km, bailararen behe aldetik egiterik dagoen. Baina erabakia hartuta dago; proba bertan behera utzi dute Byrness-en. Hasieran 85 parte hartzaile ginen, orain 31, baina 24-k bakarrik lortu dute igarotzea azken koska hau.
Falta zaigun mendi-lerroan bi parte hartzaile erreskatuta behar izan dituzte eta arrisku gehiago hartzerik ez dute nahi.
Aipatu bezala Byrness ibilbideko 375. km-a da, eta hemen gauden 5 parte hartzaileak ixil ixilik gelditu gara; Spine Race-ko dominak eskuetatik ihes egin digu.
Antolatzaileek janari beroa ematen digute, eta edateko nahi beste likido ... coffe, tea ...
Gauden etxetik kanpo iluntasunak elurtutako zelai zuria irentsi du.
Kotxeetan sartu eta helmugara eraman gaituzte; Kirk Yetholm ( 423. km-a, Scotland ).
Kirk-eko aterpean, iritsitako parte hartzaile batzuk lo seko daude.
Gauza bera egingo nuke, lo sakuan sartu eta ametsetan atsedena hartu, baina aurretik lan handia det. Erropa eta zapatila lokaztuak garbitu eta berogailuetan lehortzeari ekin diot, bitartean makarroiak boloinesa erara prestatu ditudalarik. Afaldu berritan, staf edo antolakuntzako jendea etortzen hasia da gimnasio honetara. Argiak itzalitza badaude ere, sukalde txikiko lanpara pizturik dago, eta horrek ingurukoa ikusteko aukera ematen digu. Gure ibilkera geldoa hanketan dugun nekearen islada da.
Pozik nago egindako 6 egunetako jarduerarekin, nahiz eta ibilbide osoa borobiltzeko gutxi falta izan. Gure esku balego lortuko genukeen sentzazioa dut, baina ultretan askotan gertatzen dira horrelakoak.
2015 urtean egin ditudan azken bi ultretan, Canfranc-en ( 100km/8000mD+ ) eta Malagan ( UT Gran Vuelta Valle del Genal 130km/6000mD+ ), gauza bera gertatu zitzaidan; azken 20 km-etan altoa eman ziguten segurtasunaren izenean.
Beraz, egoera hauekin ohituta nagoela esan beharra daukat.
Eskarmentua badut aurretik, eta antolatzaileek egiten duten esfortzua baloratu beharra dugu.
Gure ametsak eta ilusioak alde batetara utzi behar ditugu,
hobe baita denok onik eta salbu egotea, ezbehar bat gertatu baino lehen.
Garbiketak eta afaria bukatu bezain pronto, motxilatik sakua atera eta barruan sartu naiz.
Aurten ( 2016 ) Spine Race proban ondo baino hobeto ibili naiz.
Orain dela bi urte ( 2014 ) berriz erdi galdurik ibili nintzen, GPSarekin arazoak izan ostean.
Gogoratu proba honetan ez dagoela balizarik, eta parte hartzaileok GPS, mapa eta brujularekin orientatu behar garela 423 km-tan zehar, gehienak gainera iluntasunaren sabelan eta elurraren magalean.
Day 1
Day 2
Day 3
Day 4
Day 5
Day 6
Day 7
Day 8
Azken egun hauek Inglaterrako Pennine way bihotzean merezi izan dute,
eta hona hemen kontaketa:
Hasteko datuak: " The Spine Race " ( 423 km / 12.000mD+ ) proba
Pennine way ibilbidean oinarritzen da:
Hotzari aurre egiten
egunean pare bat ordu egingo genituen lo.
Middleton in Teesdale; 225. km.
mila esker laguntza eta animoengatik!
Dufton herrixka; 260. km
Cross Fell aterpean.
harresi famatua eraikitzeko.
familiarekin 2 urte lehenago ( 2014 ) egon ginen;
oraingoan ( 2016 ) elurtuta zegoen.
azken egunerako indarrak berreskuratzen.
Kirk Yetholm; check point - 6
Kirk Yetholm herrixka ( Scotland )
" The Border " público eskoziarra,
Pennine Way eta The Spine Race lasterketaren helmuga, 423.km.
iruzkinik ez:
Argitaratu iruzkina