Zaleak beti atzean
eusten, animatzen
begirunez, txaloka,
gizakiaren esfortsuarekin
liluratuta, harrituta
ondotik pasatzen ikustean,
basapiztia izango bazina
Iñigo.
( argazkia Asier Orbea; elgoiBARREN.net )
Zorionak Nahia!
Iñigo Lariz Karakate-2014ko txapelduna
Zorionak Inigo!
Nahia Quincoces lekeitiarra ( 34´21"´) eta Iñigo Lariz elgoibartarra ( 27´37´´ )
Karakate igoera-2014ko txapeldunak izan dira, eta biek errekorra ondu dute;
Nahiak Maite Maiorak 2010. urtetik zuena ( 35´43´´) eta
Iñigok berak iaz (2013) eginikoa (27´38´´).
Guztira 123 parte hartzaile gerturatu dira Elgoibarrera 2014ko edizioan; inoizko handiena.
Eguraldia lagun, ibilbidea lehorra eta jendearen animoak ibilbidean zehar,
aldagai garrantzitsuak izan dira aurtengo XXI. edizioa borobiltzeko.
Morkaiko mendizale elkarteak antolatzen duen mendi igoera honek gero eta arrakasta handiagoa du mendi lasterketarien artean, eta lan finaren ondorioz gero eta partaidetza handiagoa lortzen ari da. Bejondeizuela!
Hurrengo egunetan argazki eguneratuak eta sailkapena ikusgai izango dira.
Beste edizioetako informazioa ikusgai hemen.
KARAKATEKO IGOERA 2014
Elgoibarko Karakate igoerak jadanik 21 edizio bete ditu. 1993an antolatzen hasi zenetik partaidetza handituz joan da, eta gaur egun ehundik gora mendi lasterketari elkartzen gara urtero Karakateko malda gogorretan. Aurten 123 izan gara eta denok aldarte onean igo dugu 715 metroko desnibela duen aldatza. Baina denok ez dugu bide berdina erabili, ibilbidea ez baitago markaturik eta norberak erabakitzen du nondik jo.
-Horiz: ohiko bidea.
-Urdinez: gasaren bidea.
-Gorriz: soken bidea.
BIDE MOTZENAREN BILA
Aurten "soken bidetik", 3,38 km-rekin biderik motzena, partaide ugari abiatu dira. Bide hau baso añubitsu baten barrenetik dihoa eta orain dela 4 bat ediziotik hona azkarrena bihurtu da.
2010. urtea zen eta Karakateko igoera hurbiltzen ari zela, azaroaren erdialdean, Arkaitz Iruretak ahalik eta distantziarik motzena lortu nahian Elgoibarko enparantza nagusitik ( 47 metrotara ), irteera puntutik, Karakateko tontorrera ( 742 metro ), helmugara, baso itsu eta ezezagun batean sartu zen GPS eta guzti. Abentura zalea den aldetik, Arkaitzek bere irudimen osoa jarri zuen martxan. Karakateko igoerako ohiko bidea ( 4 km ) alde batera utzi, eta beste berri baten bila abiatu zen. Balentria izan behar zen orduan sastrakaz betrik zegoen baso itxi hartan sartzea, baina aintzindari guztiek bezala Arkaitzek ez zion amore eman eta Karakateko tontorrean agertu zen ikerketa saio haren ondoren. GPSa begiratu eta 3,38 km!
Horrela 2010eko edizioan inork gutxik jarraitu zion Arkaitzi baso galdu baten barrena zihola ohartu ginenean. Baina bere denbora hobekuntzak zer pentsatua eman zigun guztioi. Ordutik aurrera "soken bidea"k zale gehiago ditu eta aurtengo edizioan (XXI. - 2014) partaideen erdiak edo bertatik jo dute.
Karakateko igoera - 2010 edizioko kronika: "Nondik igo da Piru?"
Karakate igoera 2014ko argazki bilduma ( Asier Orbea elgoiBARREN, Aitoz Zabala DV ):
Iñigo Lariz
Julen Aranguena
Jorge Gonzalez
Igor Urionabarrenetxea
Gorka Agirreazaldegi
Imanol Larrañaga " Txino "
Josu Zubiaurre eta Igor Quintano
Beñat Bollar eta Aitor Hernandez
Zaleak mendi lasterketariak animatzen!
Mila esker guztiei!
Karakateko igoera 2014ko parte hartzaile gehienak.
Izan untxa!
iruzkinik ez:
Argitaratu iruzkina